Mediat amerikane: NATO modernizon arsenalin mbrojtës të Shqipërisë

0
16

Mediat më prestigjoze amerikane, “Washington Post”, “ABC News” dhe “Associated Press” i kanë bërë jehonë investimit prej 50 milionë eurosh që NATO-ja ka vendosur të bëjë në bazën ajrore ushtarake të Kuçovës, në Shqipëri dhe synimit të qeverisë për të vazhduar më tej me modernizimin e arsenalit mbrojtës të vendit.

Kryeministri i Shqipërisë deklaroi se NATO-ja ka vendosur të ndërtojë një bazë ajrore në vend.

Kryeministri Edi Rama shkruante të shtunën në profilin e tij në “Facebook” se “Këshilli i Atlantikut të Veriut i NATO-s, institucioni kryesor politik vendimmarrës, ka vendosur të investojë 50 milionë euro (58 milionë dollarë) për të modernizuar bazën ajrore në Kuçovë”, 80 kilometra në jug të kryeqytetit Tirana. Kjo bazë ajrore ka qenë këtu prej dekadash.

Kjo bazë do t’i shërbejë Shqipërisë si dhe do të mbështesë operacionet ajrore të NATO-s për furnizim, mbështetje logjistike, mbikëqyrje ajrore, trajnime dhe ushtrime.

Kryeministri tha gjithashtu se zyrtarët po diskutojnë me SHBA-në për të “modernizuar edhe më tej kapacitetet ajrore të Shqipërisë”.

Shqipëria u bë pjesë e NATO-s në vitin 2009 dhe është ende duke zëvendësuar arsenalin e saj të vjetëruar. Ky vend ka dalje në detin Adriatik dhe Jon, si dhe ndodhet në veriperëndim të Greqisë.

 

-Reklama-

PËRGJIGJU

Please enter your comment!
Please enter your name here